ثمن كلامك ياعسى الله يهديك..

ثمن كلامك ياعسى الله يهديك.. ,

بعض البشر لامن حشمته طمع فيك . .
وبعض البشر . . لامن جفيته يودك ..

وبعض البشر يتعب على شان يرضيك.
وأغلى من أخوانه . . بقلبه يعدك. . .

وياصاحبي هالحين بانت خوافيك . .
علقتني مابين . . مزحك وجدك . . .

وش جاك مني ياعشيري وأنا اخيك . .
قبل أمس أنا صاحبك .. واليوم ندّك..

لاضاق صدري من عنا الوقت أنا اجيك ..
وأشوف دمعات الغلا . . فوق خدك . .

والحين تظلمني وأنا منك وفيك . .
بكل احترام أقول .. ياخوي حدك..

ثمن كلامك ياعسى الله يهديك..
لاصار ماي الوجه . . يعجز يردك ..

ثوب الردى ياصاحبي مايقديك . .
الثوب ماهوب لك . . ولا القد قدك . .

وأنا خلاص اليوم والله مابيك . .
النفس طابت . . سو ماهو بودك . . .

الطعنة اللي من ورى الظهر تنهيك . .
وشلون لاجاتك . . من اللي يودك . . .

راقت لي ~

ما أجمل الصورة الشعرية
اخي الشعر الذي يخترق الظلام بسطوعه

صور جذابة ليس الوصول إليها بسهولة
فهي تحتاج إلى قراءة النص بروية
والتفكر في مضمونه
ولا بد من بذل جهد لنيل
المراد من جمال الحروف

مشكور
jordan

آهات وأنات

تجتمع بين صدق العاطفة مع صدق المحبة
وتنتج الدمع والألم لأجل من نحب

يعطيك الف عافية تقبل مروري

رشا كتب:: آهات وأنات

تجتمع بين صدق العاطفة مع صدق المحبة
وتنتج الدمع والألم لأجل من نحب

يعطيك الف عافية تقبل مروري

شكرا لمرورك اختي

» الله مـن هـمٍ بروحـي سهجهـا
» فضائل قول سبحان الله وبحمده سبحان الله العظيم
» حكم الإمام علي بن أبي طالب رضى الله عنة
» قصائد علي بن أبي طالب رضي الله عنه
» مااجمل الحياء مع الله