احبس الكلمة

قصيدة مهداه لصاحب كلمات قصيدة احبس الدمعة التي غناها الاستاذ عبدالكريم عبدالقادر
اتمنى ان تنال أعجاب الجميع


احبس الكلمة

تعلمت احبس الكلمة وادور للحكي اوقـات

واذا كان الحكي فيكم اموت اموت واحكيها

تــذوب بسحر اسماعـك تسجد تحتكم ساعـات

واذا تعبت مـن السجده تفز بكل معانيها

تروح تجر خيبتها تترك عشقها اللـي مات

مات مات فــي لحظة ومـات اللي يحاتيها

مات حب فـــي قلبي يترفع عــن الغايات

واذ اشواقي لها غايـه انا اللي اربيها

تـدري ليش يا كلـي لأن عشقك عشق لــذات

والمشاعر دوم اسمـى تسمو فــوق راعيها

ولـن الحـب مـو متعة ولا ضحكه ولا نكتات

ولا لعبه بيد صغـير يـزهقــها ويرمــيها

انا اعرف الغرام احساس عذاب وشوق مع اهآت

شعور وصــدق مشاعــر ضلــوع الجوف تحميها

تخبيها عــن العالم وتحرسها مــن الصدمات

تنمو داخــل الشريـان تاج القــلب يرويها

واذا نعست وتبي تنام فرشتها علـى النونات

اذا يلوقــن بحضرتها بــرمــوشــي اغطيها

اوادعها تصبح بخير ادلــع لجلها الكلـمات

واذا زعلت بعد روحـي تهون الدنيا وارضيها

لكن فــي هـذا الزمان وبهذا الجيل بالذات

اذا حبيت انسانــه وتـهـت فــي حــواريها

تعتقد انـك تافه وانــت وحـبـك تفاهـــات

وانك عــادة قـديـمـة هـذا الوقــت ناسيها

بعـد كـلـي انا اســف واســف لـكـل البنات

انا مقدر اكـــون الا قصة عشق انــا ارويها

وامثالك سطر منســـي عــداه الزمان وفــات

شطبتة مــن ذكرياتــي حلفت الـذكرى لمحيها

وحلفت الا احرق الجوال واحـرق صورتك بالذات

وبعد اذنك بجوالك بقت صورتنا هاتيها بقت صورتناهاتيها

عيد المساعيد

صح لسانك
يا شاعر النشاما