ليلة البارح بكيتك.....وانت كنك ما دريت

انا فرحي بالدقايق بس حزني بالسنين
انا اكثر شخص يبكي ولاعمري اهتنيت

يا قسو قلبك عليا لا يحن ولا يلين
ليلة البارح بكيتك وانت كنك ما دريت

مارحمت دموع عيني والمواجع والانين
اااه يا ضيم الليالي لا ذكرت اني بكيت

شفني بأسبابك اعاني وكل ما فيني حزين
كم تعبت وكم سهرت وكم ترجيت وشكيت

ما هقيت انك بيوم في حياتي تستهين
لين شفتك ما تبيني وخاب كل اللي هقيت

كيف هانت هالمحبة والليالي والسنين
كيف بعد العمر كله من حياتك انتهيت

كيف تنسى ذكرياتي في غرامك والحنين
اسألك بالله قلي ..كيف بسهولة نسيت

اقسم برب العباد اللي بوجهه ساجدين
انك اشرف من سكني وانك اغلى من هويت

يا....اليوم جرحي في حشى قلبي دفين
يا....العمر كله كم خذلني وانحنيت

انا مظلوم بحياتي لا صديق ولا عوين
انطعنت الفين مرة ومن طعوني اكتفيت

انا فرحي بالدقايق بس حزني بالسنين
انا اكثر شخص يبكي ولا في عمري اهتنيت

يا الهي يا مجيبا كل دعائي يا معين
يا رحيم ويا غفور(ن)تستجيب اللي دعيت

من عرفت العمر وانا ابكي وهمي سجين
الحزن هذا رفيقي وانا له صدر(ن)وبيت

كأنك بليلة بكيت من عذابي دمعتين
وضاقت الدنيا في قلبك وانا في حقك خطيت

وش يقول اللي بكالك وادمعت عينه سنين
وش يقول اللي حياته كلها ليه ويا ليت

الله يعين بغيابك والله بهمي يعين
وليتني من قبل ما عرفك عن غرامك اهتديت

وليتني انا وقلبي عن غلاتك ملحدين
وليتني بدرب المحبة في حياتي ما مشيت

انا لله في غيابك واننا له راجعين
البقية في حياتك لاني في العمر انتهيت

لا يجاورني في قبري الا قبرك يا.....
خايف تقول عني وسط قبري ما وفيت

اقسم بربي حفظتك واقسم بربي يمين
مذكر اني خنت حبك كيف اخونك وانا ميت

لا تقول انسى رجيتك كيف ابنسى هالسنين
كيف ابنساك وخيالك يحتويني لا سهيت

جيت ابيك تعز شاني وتملى هالدنيا حنين
ورحت مكسور الاماني ومن ايدينك انكويت

يا قسو قلبك لا يحن ولا يلين
ليلة البارح بكيتك وانت كنك ما دريت

ما رحمت دموع عيني والمواجع والانين
ااااه يا ضيم الليالي لا ذكرت اني بكيت

كبار الشخصيات ***رقم العضوية*** : 10 456 733 15/04/2011

مشكورة رشا
رووووووووووووعة

» سر ما دريت .........عنه
» عسى ما زعلتك البارح
» من لم يفهمك وانت صامت لن يفهمك وانت تتكلم
» انظر الى لطف الله بك وانت نائم