قصائد و اشعار الأمير خالد الفيصل

نادميني

نادميني كلهـا ساعـه و اغيـب
مابقى غير الموادع يـا حبيـب
سلّي الخفاق عـن هـمّ الزمـان
و اجلَي مْن العين نزّات السّريب
طالت ايامي و انا فـوق الشـدّاد
الذلول تسير و الراكـب غريـب
درهمت بي في عجـاج القايلـه
و الثرى من حدرها جاله لهيـب
كل خف(ن) يرسم بدربـي حـذر
لاهل ركب(ن) ما بعد طبّ الشعيب
يفهّم اللي يفهم و يجهـل كثيـر
و المراجل دربها دايـم صعيـب
يا كبر غلطـات جهّـال الحيـاة
ضعيوا بعيدهم واخطـوا القريـب
يا بعد فرق الّليـال مـن النهـار
و يا بعد فرق الغرير من اللّبيـب
بعضهم يـزمّ بـه كثـر الهـدوم
وان تحدّث طاح من عين الرقيب
كل رجل(ن) يستره قـل الكـلام
و اللسـان يجمّلـه و الاّ يعيـب
نادميني..وقتـي الباقـي قصيـر
و الْمِسي بعيونك جروحي تطيـب
فرّغي قلبي و فكري من عنـاي
يا شعاع بالعمـر قبـل المغيـب
و مضة(ن) في ليل دهر(ن) ظلوم
تبعث الآمال فـي وقـت عجيـب
السؤال يغيب من قبـل الجـواب
نادميني..كلها ساعـه و اغيـب

من رياض المجـد لامجـاد الكويـت

من رياض المجـد لامجـاد الكويـت
مــن ثـبـات العـلـم للعـلـم الـثـبـات
جيـت أصافـح بالتّهانـي كــل بـيـت
للشّهـيـد الـخـلـد والـحــي الـحـيـاه
فوق غيمة شوق مـن أبهـا مشيـت
مـن نـداهـا فــزّت الصّـحـرا نـبـات
سيّرتـنـي نـشـوة الـحـب وسـريـت
للكويـت الّلـي هويـت أكتـب غـنـاة
في غناتي للشّرف صـوت وصيـت
ومـن غناتـي يرفـع الفـارس حـداة
وللكرامـة عـرضـة فــي كــل بـيـت
والـسـجـايـا بالـشـهـامـه نـايـفــات
ياالكويت الّلي على الباغي عصيت
يوم بعض الرّبع ينسـى المكرمـات
يـوم بـان الغـدر قلـنـا لــه خسـيـت
كـــل شـيـطـان رجـمـنـاه بـحـصـاه
دارت الـدنـيـا علـيـهـم واعـتـلـيـت
وانهـزم جيـش النّفـوس الخاينـات
يالفهـد عنـد الوعـد قـلـت ووفـيـت
طاغيات الـرّوس عـادت صاغـرات
مااختلـفـت ولاذخــرت ولاشـكـيـت
شـامـخ مـثـل الـجـبـال الـراسـيـات
دلّــــك الله يالـسـنـافـي واهـتـديــت
والنّصـر مــن عـنـد رب الكايـنـات
مـايـغـط الــحــق رجــــال بـخـيــت
مانـسـيـنـا يـالـكـويـت الـسـابـقـات
يــوم عــز بـدارنـا حـلــو المـبـيـت
إستضـفـتـونـا زمــــان الـنّـايـبــات
لين ابو تركي ظهر من فوق هيـت
واصطفق مـن نجـد لجبـال السّـراه
يرفـع الـقـرآن والسـيـف الصلـيـت
واستـرد الحكـم مـن عقـب الفـوات
ياالصّباح وياالسعودي لى انتخيـت
عـزوتـك عـنّـاز راعــي الـطّـايـلات
ويالاميـر الّلـي علـى العليـا نشيـت
جابـر العـثـرات محـمـود الصـفـات
فـــي بـــلادك كـــل تـكـريـم لـقـيـت
والنشـامـى ماكـتـفـوا بالـواجـبـات
بالكويت أعطانـي الشعـر وعطيـت
وبالكويـت الشعـر لـه طعـم وحـلاة

هلّـي علـى خدانهـا ياسحابـه

هلّـي علـى خدانهـا ياسحابـه
هلّي عليها لين ينبت بها الـورد

على محلّه لين يخضـر جنابـه
وارفح بشوفه فرحة مالهـا حـد

خل سقاني في الهوى من شرابه
ماصد لي جاني والى جيت ماصد

عـزاه ياقلـب تزايـد عـذابـه
على الذي حبّـه بقلبـي تجـدد

اللي رماني باربع مـن حرابـه
ثنتين من عينه وثنتيـن بالخـد

ياعمري اللـي راح لا واسفابـه
وين الرفيق اللي عليه ابدي السد

ناقد الاشعار لك مني سلام

ناقد الاشعار لك مني سلام
و التحيه للفكر و الاحترام
فرحتي لا شفت لك راي(ن) جديد
او نظرت لبعض شعري باهتمام
يا رفيق الحرف في دنيا القصيد
عشقتي ويّاك في عذب الكلام
أنظم النظره بخفقات القلوب
و انت تنثرها دموع(ن) و ابتسام
القمر و الليل و امواج البحر
و الزهر و الغيم و اصوات الحمام
و الصقر و الريم و الغوج الاصيل
و الصحاري لا زمت فيها الخيام
هي هواي اللي أغني له طرب
هي من ايام الصبا عندي غرام
أكتب الانسان بألوان الحروف
في حقيقة علم و غيبة هيام
أتصيّد خاطر(ن) عند السحر
او وميض الفكر في جنح الظلام
و امزج شعوري مع حسن القبيل
في قصيد(ن)مثل ندّاي الغمام
ناقدي خذ حرفي و حل الرموز
و حلل المعنى بوجد المستهام
و إن لقى الهاوي خياله بالقصيد
خبّره تراني حققت المرام

طعم الدموع


بالله ..كفو العذل ،خلوني اصيح
يرتاح قلبي كلما صحت صيحه
خلو دموعي فوق خدي سوافيح
طعم الدموع لمثل نفسي مريحه
ابكي على حُب ذريته مع الريح
موتي ولا شوف الكرامه جريحه

صح لسان من قالها

وسلمت انامل كاتبها

يعطيك الف عافية

تقبل مروري

يا ولد عود

يا ولد عوّد لا هاليك ما تقـوّى

لوعة الفرقا سطت فيك مسطاها
لا تهقوى ما بالابعـاد سلـوى

المحبه ما سلم من شرب ماها
من بلي مثلك فلا يبري البلوى

كود شوفة من بالأوطان خلاها
الذي بك يا ولد بالذي تهـوى

ياولد عوّد ترى شفاك بشفاهـا

لوعة العاشق


قالوا لي العب قلت ما نيـب لاعـوب
إلا مـزوحٍ عنـد صافـي الجبيـنـي

الاعبه و افرح إلـى صـرت مغلـوب
و اشوف و جهه لى غلبنـي يزينـي

و اطرب على ضحكه و هو حيل طروب
و انادمه فـي لحظـة أحلـى سنينـي

حبيبي اللي كـل مـا فيـه محبـوب
ترخص له الدنيا و مـا كـان فينـي

اللي يجيني كـل مـا غـاب لاهـوب
أونـس حـرارة لاهبـه فـي كنينـي

و كني على غيره من الناس مغصـوب
و كـن العمـر ياقـف بليـا ظنينـي

و اصير بين يديـن الأيـام مقضـوب
و الليل يجلد بالسهـر مـوق عينـي

يضحك بي الشامت إذا قلت ما أتـوب
و يحزن صديق العمـر ممـا يجينـي

ليته يغطـي لوعـة العاشـق الثـوب
و إلا عيونـي مـا تبـيّـن حنيـنـي

و إن كان تعذيـب المحبيـن مكتـوب
علـى عـذاب الحـب ربـي يعينـي

يا جريح القلب


ياجريح القلب بي عنك الجـروح
جعل قلبي فدوة(ن) لـك ياسعـد
مشرط الجرّاح في قلبي يـروح
كل ماهوجست بك يـوم الأحـد
خفقة(ن) تجزع وخفقات(ن) تنوح
عالجوا جرحك وجرحي بك قعد
يشهد الله لو تعوض الروح روح
ياابن أبوي فداك روحي والجسد
ياجحود الضيـم مـاودك تبـوح
بالخفوق جروح ولسانـك جحـد
شلت حب الناس بالقلب النصوح
لين صار الحب بعروقـك سـدد
سمّح الله درب ذا الوجه السموح
زال شـرّك والمقابيـل السعـد

يا طارد

يا طارد اللي راح خله وملوه



ما يستقيم الظل لا عوج عوده



ولا ينفع الندمان قولة حولاه



جحر لدغ يمناك لا لا تعوده



مد النظر في خلق ربي تمعناه



إلى انتقص من حال حال يزوده



الله جعل للمبتلي داه ودواه



وكل على عزمات قلبه حدوده

كلما نسنس


كلما نسنس من الغربي هبوب حمل النسمة سلام



وان لمحت سهيل في عرض الجنوب .. عانق رموز الغرام



لك حبيب ما نسا .. كلمته دايم عسى



اطلب الله وارتجيه .. صبح يومي والمسا



كل زين اشهاده وانتم بعيد منوتي ليتك معي



وان سهرت الليل اهوجس بك واعيد هل لاجلك مدمعي



وانت هاجس خاطري .. وانت فرحة ناظري



يا قريب ويا بعيد .. فيك امس وحاضري



نشوتك تلعب مع قطر المطر .. وانتشى قطره معك



والسحاب يطاردك بين الشجر خالق الزين ابدعك



الندى في وجنتك .. صار عطر بلمستك



والهوى غنى طرب .. تستثيره بسمتك



كلما ضمت عيوني منك طيف يا بعد كل الطيوف



قلت ما مثلك على الدنيا وصيف لا حشا مالك وصوف



لا سحاب ولا مطر .. لا نسيم ولا زهر ..



لا طيور ولا زهر .. ولا مع باقي البشر ..

الله اكـبـر كـيـف يـجرحن الـعيون "


الله اكـبـر كـيـف يـجرحن الـعيون "

" كـيف مـا يـبرى صويب العين ابد
احسب ان الرمش لا سلهم حنون "

" اثـر رمـش الـعين مـا يـاوي لاحد
يـوم روّح لـي نـظر بـعينه بهون "

" فــز لــه قـلـبي وصـفـق وارتـعـد
لـفـني مـثـل الـسـحايب والـمزون "

" فــي عـيوني بـرق وبـقلبي رعـد
نـقض جـروحي وجدّد بي طعون "

" قـلـت : يـكـفي قـالت عـيونه بـعد
وانعطف هاك الشعر فوق المتون "

" وانـثـنـى عــوده وقـفـى وابـتـعد
اشـغـلتني نـظـرة الـعـين الـفـتون "

"حــيـرتـنـي بــالـتـوعـد والــوعــد
هـي تـمون الـعين والا مـا تـمون "

" لــى خـذت قـلبي وقـفت يـا سـعد

غرتني الأيام


غرتني الأيام باقبالهـــا يوم
اثر النكوفه عند الأيــام عجله
جتني لياليها على دف ونغـوم
اثر الليالي بالغرابيــل جزله
فرحة نهارٍ عقبها ليل وهموم
من يوم جذ البعد محبوب وصله
فرقا الضحا تسهل على باقي القوم
لاكن على الخلان ما هيب سهله
ما همني بعد المسافات معـلوم
لاشك بعد القـرب للصب قتله
راع الهوى من راحة البال محروم
قربه وبعده نار مــا ينعرف له
عز الله اني في ضبي نجد مغروم
راعي العيون اللي مع الزين خجله
من حبهم كني من الحب مظلوم
ونفسي عليهم يا هل العرف وجله

حنا العرب


حنا العرب يا مدعين العروبة
وحنا هل التوحيد وانتم له أجناب
وحنا شروق المجد وانتم غروبه
وحنا هل التاريخ وأنتم به أغراب
يوم الفقر شلتوا علينا عيوبه
واليوم عقب النفط جيتوا لنا أنساب
ويوم الفقر فينا البداوة سبوبة
واليوم صرتوا مثلنا بدو واعراب
لو الهوى منكم منعتم هبوبه
لا شك رزاق الملا رب الأرباب
ولو المطر منكم منعتم صبوبه
لا شك رزق الخلق من عند وهاب
جيش الحسد سقتوا علينا حروبه
كل يبي يزرع على جسمنا ناب
حرب على المحسن تراها عقوبة
بالله عساكم ما تفيدون حراب
يا ما عطينا ما ندور مثوبه
إلا من اللي من ترجاه ما خاب
ويا ما نصرنا صاحب ضيقوا به
عاداتنا نقدم الى مالردى هاب
وياما نصانا من تعثر دروبه
يدخل حمانا من تعذرة الأصحاب
حنا بنينا دارنا من طيوبه
وانتم سلبتوا داركم كل ما طاب
الله سقانا من بحرنا عذوبه
وانهاركم مثل البحر هدر تنساب
حنا زرعنا الحب بارض خصوبه
وانتم زرعتوا كره الأجيال بتراب
وحنا دعينا السلم نوبه ونوبه
وانتم حمام السلم بعتوه بغراب
يا من دعا للحرب ما درك خطوبه
لا تحسب أن الحرب تهديد وخطاب
من شب نار الحرب يصلى شبوبه
ومن ثور الفتنة تعرض للأسباب
ما يستر الرجال ملبوس ثوبه
الدين وافعال الكرامة له ثياب
ما يقبل الرجال بحماه حوبه
ما دام له حق وللحق طلاب

الليالي فرقتنا


لا تقول إن الليالي فرقتنا
لا تقول ظروفنا عيت علينا
الليالي يوم ودك جمعتنا
يوم ودك كل شئ في يدينا
يا سقى الله ليلة بك عرفتنا
في شعيب شهار عن غيرك سلينا
من مغيب الشمس حتى طالعتنا
عن هل الدنيا نزعنا واعتلينا
ليلة العشاق . . والله وردتنا
ما رد ذقناه لكن .. ما ارتوينا
ليتها .. يا ليتها .. ما ودعتنا
ليت ذاك الليل ما راح وسرينا
يوم هملنا الليالي هملتنا
كيف تعطينا وحنا ما عطينا ؟
الليالي عن هوانا ما نهتنا
البلى حنا على البعد انتهينا

خارج حدود المعقول




خارج حدود المعقول

سميتك انته الحلم

والمرتجة والمأمول

وعرفت انته مو إلي

بس تستحي مني اتكول

وبسرعة ضيعت العرف

خاف انته أكلك مسؤل

سولفلي وك لا تستحي

مو حلوه سكتتنه اتطول

اطمئن آني بلا عقل

والكلب عندك مشغول

يعني بغرامك منتهي

رايح عرض راجع طول

سو بيه ما يحلو الك

محد يمسك هالطول

غريب والله

غريب والله يا حبيبي هوانا
نستعذب الأشواق ما نطفي الشوق
شوقي وشوقك هايمٍ في سمانا
في ناظري حيره وفي ناظرك موق
نطرد سرابٍ في صحاري ظمانا
لا فيه ميرادٍ ولا حاصلٍ ذوق
يومٍ يبعّدنا ويومٍ دعانا
ويوم يلبّسنا خيال الهوى طوق
طيفٍ يرغّبنا وطيفٍ نهانا
فوق الثرى نمشي وحلم الهوى فوق
خيالنا من كل نبعٍ سقانا
وأيامنا تسوق عبراتنا سوق
ميعادنا عند التمنّي نسانا
وظروفنا تزرع على دربنا عوق

سمرت

سمرت بصحبة حروف القوافي
احملها تناهيت خوافي
اشكل بالحروف الوان صوره
احركها من المعنى بصافي
اشيل الحرف من معنى لمعنى
واجاري ما زهر واظهر بخافي
والى مني عطيت الحرف ونه
بها حرفي على النجمات طافي
يقوم كل نجم من منامه
أنا ما نيب اسامر نجم غافي
يجيني كل نجم منه معنى
ولا قد قلت للنجمات كافي
تصور لي دموع وابتسامه
من عيون تقصوت ما تشافِ
ألا يا نجم يا عالي تبصر
شف بعين المحبه عين وافي
وخبرني عن علومه وحاله
عسى قلبه مع الأشواق دافي
ولو ممشاي في جمر يفيده
مشيت بجمرها كنه عوافي
ولكن وش يفيده لو ذبحني
ومن يوصف جماله عقب قافي

يا صاحبي

يبكي الصوت و النظرات تشكي
و المعانـي ولـو صاحـت حبيسـه

يصمـت الليـل و التنهـيـد يحـكـي
و المعاليـق فـي قلـبـي يبيـسـه

يـا حبيبـه سألـت الليـل انـا عنـك
و كـل نجـم فـقـد مثـلـي أنيـسـه

هـل دمعـي و قـام الليـل يبـكـي
و القمر نشّ مـن فرقـى جليسـه

ويـل مـن شالـتـه مـوجـة بـحـرك
ليتنـي مـا نزلـت الشـط أقيـسـه

لو لمستي البحيـر بأطـراف يـدك
مـن حلالـك غـدا طعمـه مريـسـه

للهوى حــس اذا لامــس زهــرك
ينعش القلب اذا جاني حسيسه

لا تملّين الشعـر

لا تملّين الشعـر وانـا القصيـده
صاغها من لوعة أيامـي زمانـي
المعانـي مـن غرابيلـي جديـده
من عذابي لحّنـوا حلـو الأغانـي
كلّمـا ونّيـت ردّوهــا نشـيـده
واسمع جروحي تصيح بصوت ثاني
حرفي المجروح سامرهـم يعيـده
كلّما ودّعـت موجـوع(ن) لفانـي
مع جميع الناس وافكاري وحيـده
شالوا ألحاني وانا شلـت المعانـي
زلّـت الأيـام واحلامـي بعـيـده
والغريـب يعذّبـه طـول الثوانـي
الحزن لى ضاق في صدري شديده
أبتسم لين يغبطنـي مـن لقانـي
ياحبيبة شعـري وغالـي خريـده
يا اشتياق الروح يا داعي حنانـي
يا عروس(ن) في خيالاتي فريـده
زفّها ركـب الغـرام إلـى مكانـي
أنتي والأيام فـي وجهـي عنيـده
والليالـي ساريـه والعمـر فانـي

كتبت لك

كتبت لك خط ولا جاني ردود
ياليتي ادري وش مشغلك عني
هذا جزايه منك هجران و صدود
عزاه يالمجمول خيبت ظني
يزيل ليلي ما تهنيت برقود
بين التواجد و الرجا و التمني
ترا العمر يامالك الروح محدود
لياك تنزع باقي الروح مني
انا را مالي بدنياك مقصود
الا جتماع بك واموت متهني

يا عل قلب

يا عل قلب ما شكا الحـب والتـاع
تنهار من فوقـه محانـي ضلوعـه

يا ما نهيت القلب لا شك ما طـاع
ما طاع يـد لـه والليالـي تلوعـه

أثر المولّع دمعتـه تجـرح القـاع
وإلى ذكر ما فـات هلّـت دموعـه

يفـز قلبـي تالـي الليـل مرتـاع
أخاف تبعد عن ربوعـي ربوعـه

الموت كان العرف عقب البطا ضاع
والمنتحى يا سعود صعبٍ رجوعـه

في غير شوف العين ما نيب طمّاع
حقّه علي أمشي بـدرب المطوعـه

أبو عيونٍ رمشهـا سـود ووسـاع
في ذبحها العاشق فتـون وبتوعـه

فارس الأشعار
يا فـارس الأشعـار منـي تحيـه
مع ريشتي حاولت اصوّر معانيـك

مزجتهـا بالـوان روحـي هديـه
ياليتني اخذ باقي العمـر واهديـك

يا ما خذينا مـن حنانـك عطيـه
وش عندنا في مثل هذا اليوم نعطيك

.........اسرج حصاني........



اسرج حصاني و عطني قوسي وسهمي
ما دام انا في فلاة العمر رحّالي



اصور العمر في شعري وفي رسمي
و عاداتي آسافر الايام بلحالي



اطارد الصيد في روض(ن) عقب وسمي
و اجاوب الورق في غصن الهوا العالي



و اساهر النجم ألين يذوب بي نجمي
و اعانق الشمس اذا شعاعها مالي



و اكتب على الغيمه اللي تستخيل اسمي
و ارسل غرامي مع النسمات للغالي



حبيبي اللي مثل وبل المطر يهمي
على خفوقي سحاب الود همّالي



حبّه بروحي و في نفسي و في دمي
هو بدر ليلي و هو في شمسي ظلالي



انا احمد الله غدا سيد العرب قسمي
من يوم شفته و انا طير السعد فالي



لو شمسها تجهر و لو ليلها يعمي
و لو طالت الدرب ما فكرت في حالي



اسوق رجلي و اقوي بالامل عزمي
و اكسر الشوك حتى الورد يصفى لي

حدر القمر
حدر القمـر صـوّت لخلّـه ونـاداه

ثــلاث مــرات وبالرابـعـه ون
حدر القمر ياما همـس لـه وناجـاه

وعيونهـم يامـا بـنـوره تـلاقـن
والبارحة عدا علـى الذيـب بعـواه

وقفـت ظنونـه بالليـال يتـعـادن
مـر(ن) حوالينـه ومـر(ن) تعـداه

ومر(ن) تضاحك له ومر(ن) تباكـن
هاذي سواة اللي عـن النـوم قـزاه

طيف حبيب اللي على خاطرة عـن
إن شافـت عيونـه جمـال تمـنّـاه

ون وصوّت لقمري لصوت الهوى حن
الجارحه تجـرح وتسـري وتنسـاه

وجروح مجـروح الليالـي تساقـن
والخافيـه طعنـة زمانـه تمثـنـاه

والبيّنـه عنهـا عيـونـه يبـوحـن