الشاعر حسين اللاميله السرحاني رحمة الله

يالله يا مسير سحب السما تال ليله****** ياللي لا عطيـت العطا تعطي بلا مَنّ
يا منجي ابراهيم من نار شينــه ******يا مفــدي اسماعيل كبش سميــنً
تخلي ضعنّا والسلف من يمينــه ****** وعنـــد ابو عطالله الركايب ينوخَنّ
ياخذ سلامي ويجيب لي مثيلـــه ****** سريــــــع برد الخبر لا يتوننّ
قل له ما نمت الليل وعيني سهيره ****** والله وكيلك ولا ساعة تــــــهنَنّ
وزن الوقيه يا وقيه مثيلــــه ****** وبـــــعض الوقايا بالمثاقل يميلَنّ
ان كان حبالك يا ظنيني طويلــه ****** تـرى الضوامي من راس النبع شربَنّ
يشربن من راس القرح والزليلـه ****** ما هو عقب ما يقفي الطــرش يردَنّ
ترد المعطن كان رجالك قليلــه ****** تسمع كلام الخطا عنـــك ما إنكنّ
ابو حسين مثل سيف الصقيلـــه ****** يجيك طيبه ليا قصدته بـــــلا مَنّ
عطيته من الجزلات ما هي هزيـله ****** ياللــــي كفوفه على الطيب ضريَنّ
من صغر سنه ما قبل بالرذيـــله ****** ولا هو من اللي للنقـــايص حسبهِنّ
ولا هو من اللي يعتدي على القريبه ****** ولا هو من اللي لهرج العذارى قعد صَنّ
ولا هو من اللي ساحته ينـعدي به ****** دروب الكرامة والمراجل جمــــهِنّ
يوم فكّرت بالرجـال الرذيــــله ****** ما بهم اللي بالملازم شــــفى الغل
الكل سد الباب ما احدٍ دري بــه ****** مثل الحصاني بالمواكـــــر تخبَنّ
ما هو بحال اللي حالته ينبكي له ****** ما هو بحال اللي ورى الشـــط غرقن
يا مربّي طير البوم ما يصيد شيله ****** لو هديته على الحبارى ترَكهـــــنّ
وهيهات من صاد طيرٍ مثيلـــــه ****** طيــور الحيدا على الصقر ما يتبـدن
صبرٍ جميلٍ وربنا المستعينـــــه ****** ثلاث عشــــرات فوقهن ست عِدَّنْ