منتديات نشاما ونشميات الاردن
عزيزي الزائر / عزيزتي الزائرة يرجي التكرم بتسجبل الدخول اذا كنت عضو معنا
او التسجيل ان لم تكن عضو وترغب في الانضمام الي اسرة المنتدي
سنتشرف بتسجيلك
شكرا
ادارة المنتدي



 
الرئيسيةبحـثالتسجيلدخول

شاطر | 
 

 الفكر ضد الموت في كل الأوقات

اذهب الى الأسفل 
كاتب الموضوعرسالة
أردنية هاشمية
2
2
avatar

انثى
24
58
13/02/2012

مُساهمةموضوع: الفكر ضد الموت في كل الأوقات   الإثنين 20 فبراير 2012, 5:09 am

الفكر ضد الموت فـي كـل الاوقـات
واللـي بليّـا فكـر عايـش بتـابـوت
الصـح منـه يـدوم ويخلـد أمــوات
والاّ الغلـط مجـرد سنيـن ويـمـوت
والشعر لوما صار (ساعـي قناعـات )
يصبح حكي .. لكن على هيئة بيـوت !!
والصـدق مفتـاح الكرامـة ومنـجـاة
يكسيك من لبس الثنـاء مشلـح وكـوت
والكذب نقص عقول وفعـول واثبـات:
بـان أغلـب الياقـوت ماهـو بياقـوت
والحب (أحلى شي) .. إلاّ مـع الـذات
والدار (أغلى شـي) .. إلاّ بـلا قـوت
والدين .. عز .. وهيمنة .. وانتصارات
لاصار فعـل وقـول وإجهـاد وقنـوت
يوم المشايخ .. قبل عصـر الدويـلات
تنقل كفن وسـلاح ماتنقـل بشـوت !!
في وقتها ياهـل الخطـب والشعـارات
سالت دموع العز من (عين جالـوت)!!
وفـي وقتنـا .. ياصانعيـن القـرارات
نضحّي بغزة علـى شـان بيـروت !!
والفرق شاسع .. ياصراع الحضـارات
والقول أكيـد .. وبالأدلـة .. ومثبـوت
الماضي: أمجـاد وشمـوخ وفتوحـات
والحاضر: مهايط ومقهـى وبيلـوت !!
وأمـرّ وآدهـى .. ماهـو قـادم وآت
لاصـار واقعنـا مبهـذل وممـقـوت
يمثـل الأمـة فـي الامـة عصابـات
وعلى خراب بيـوت تتعمـر بيـوت !!
جلسات سريّـة علـى شـان جلسـات
تفوّت اللـي مستحيـل انـه يفـوت !!
واللعب واضح فـي جميـع المجـالات
بتشوت ؟! صلح لي أصلح لك اتشوت !!
والخيـر بيّـن فـي وجيـه البشـوات
والشعب مستهلـك ومتعـب ومكبـوت
حرية الراي : اختصـاص القيـادات !!
وحنا تخصص ذل وانصات وسكـوت!
ياصاحبي .. خل القصص والحكايـات
وش ميزة التوت ؟ ان فقد لذة التوت ؟!
إن مت ! من قول الحقايق .. سهـالات
على الأقل تدري على ويـش بتمـوت !
والمشكله ماهيب فـي كثـر الاصـوات
المشكله لاصار مال العقـل صـوت !
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 
الفكر ضد الموت في كل الأوقات
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتديات نشاما ونشميات الاردن :: QQQQ منتدى الشعر QQQQ :: الشعر المنقول-
انتقل الى: